कवित

|| कवित - 1 ||

आदि अनादि युगादि को योगी, लोहट घर अवतार लियो हैं |

धन ही धन भाग बड़ो, जिन हांसल को हरिमत कह्यो हैं |

होत उजास प्रकाश भयो, जैसे रैन घटी अरु भोर भयो हैं |

कोटि दवादश काज के तांही, केशवदास भणे समराथल आय रह्यो हैं ||

|| कवित - 2 ||

जोगी जम्भ देव जटा जूट धारी शम्भू जैसे |

भव्य देह भ्राजत हैं भगवा सुभेष में |

परम प्रचण्ड दौर दंड दंभ खंडन को |

मंडन महान धर्म देशरू विदेश में |

ज्ञान की दशा तें उन्मत्त विष्णु भक्त भारी |

दत्त अवधूत जैसे देन उपदेश में |

शेष मे सुरेश में दिनेश में न ऐते गुण |

 तेते गुण गुरु में विराजत विशेष में |